Facebook выдаткавала $9 мільёнаў на гарантаванне бяспекі Цукербэрга

• 15.04.2018, 16:15

І гэта толькі ў 2017 годзе.

Сацсетка Facebook у 2017 годзе выдаткавала на бяспеку і паездкі свайго заснавальніка Марка Цукербэрга $9 млн. Пра гэта паведамляе тэлеканал CNN (пераклад - liga.net).

Са звестак выдання, у параўнанні з папярэднім годам гэтыя артыкулы расходаў выраслі амаль удвая, з $5,8 млн.

Усяго з 2015 года кампанія выдаткавала на гарантаванне бяспекі Цукербэрга блізу $20 млн.

Facebook цалкам аплачвае паездкі Цукербэрга на прыватным самалёце, уключаючы абслугоўванне на борце, а таксама ахову яго дома.

У кампаніі заявілі, што неабходнасць выдаткаў абгрунтаваная «пагрозамі бяспекі Цукербэрга, наўпрост звязанымі з ягонай роляй заснавальніка».

11 красавіка Цукербэрг на слуханнях у Кангрэсе паведаміў, што сацсетка захоўвае звесткі аб сайтах, што наведваюць карыстальнікі. Таксама ён сказаў, што яго персанальныя звесткі былі перададзеныя Cambridge Analytica.