У Менску затрымалі сына журналіста «Радыё Свабода» Віталя Цыганкова

• 25.03.2018, 13:07

Сын журналіста спецыяльна прыехаў на свята з-за мяжы.

Пра гэта паведамляе журналіст «Радыё Свабода» Віталь Цыганкоў у сваім «Фэйсбуку»:

«Сына забралі на Якуба Коласа. Фатаграфаваў для свайго студэнцкага праекта. У самую гушчу не лез, я яму раіў быць далей. Падышлі да помніка Якуба Коласа, дзе ён стаяў, і павялі ў аўтазак. На маё ўмяшанне, што я тата, і што я з «Радыё Свабода», адрэагавалі, што і мяне зараз забяруць.

Прыехаў сыночак на адзін дзень на Радзіму, спецыяльна на свята», - напісаў Віталь Цыганкоў.