РФ плануе пабудаваць мост у Паўночную Карэю

• 25.03.2018, 12:49

РФ плануе злучыць мостам свае далёкаўсходнія тэрыторыі з Паўночнай Карэяй.

Расея плануе пабудаваць мост, злучыўшы свае тэрыторыі на Далёкім Усходзе з Паўночнай Карэяй.

Пра гэта піша The Washington Post, спасылаючыся на ўласныя крыніцы, піша liga.net.

WP нагадвае, што цяпер паміж Расеяй і КНДР існуе чыгуначнае злучэнне праз Мост дружбы праз раку Туманная. Новы мост дазволіць перавозіць грузы без неабходнасці ўезду на тэрыторыю Кітая.

Паміж КНДР і Кітаем дзейнічае больш за два дзясяткі пунктаў пропуску. З Расеяй на сёння няма ніводнага.

Першыя перамовы паміж краінай-агрэсарам і Паўночнай Карэяй ужо адбыліся.

Пры гэтым Расея падтрымала санкцыі ААН супраць Паўночнай Карэі.