27 краін ЕЗ зацвердзілі асноўныя прынцыпы стасункаў з Брытаніяй пасля Brexit
- 23.03.2018, 16:55
Зацвярджэнне дакумента разглядаецца як чарговы важны крок у працэсе Brexit.
23 сакавіка на саміце Еўрапейскага Звязу ў Брусэлі 27 краін ЕЗ адобрылі асноўныя раздзелы будучых стасункаў з Вялікай Брытаніяй пасля выхаду з блока. Пра гэта ў сваім Twitter паведаміў кіраўнік Еўрапейскай Рады Дональд Туск, паведамляе «Гордон».
«Ёсць пастанова: 27 краін прынялі кіроўныя прынцыпы для будучых стасункаў ЕЗ – Вялікая Брытанія пасля Brexit», - напісаў ён.
Фармальнае зацвярджэнне дакумента разглядаецца як чарговы важны крок у працэсе Brexit, адзначае BBC News.