Нікаля Сарказі: Я аднаўлю свой гонар

• 23.03.2018, 10:58

Экс-прэзідэнт Францыі заявіў пра сваё «глыбокае абурэнне» абвінавачваннямі.

Экс-прэзідэнт Францыі Нікаля Сарказі, якому выставілі абвінавачванні аб справе ў незаконным фінансаванні ягонай перадвыбарнай кампаніі рэжымам Муамара Кадафі, вечарам 22 сакавіка даў інтэрв'ю першаму французскаму тэлеканалу TF1. Сарказі заявіў, што «ніколі не здраджваў даверу французаў» і мае намер «з трыумфам аднавіць свой гонар», піша RFI.

У эфіры TF1 у чацвер вечарам Сарказі заявіў аб сваім «глыбокім абурэнні» сітуацыяй, якая склалася і запэўніў, што «ніколі не здраджваў даверу французаў». Паводле ягоных слоў, у следства няма ніводнага доваду паводле гэтай справы. «Ёсць толькі нянавісць, бруд, пасрэднасць і паклёп», - падкрэсліў экс-прэзідэнт.

У хлусні і паклёпе Сарказі абвінаваціў атачэнне былога лібійскага дыктатара Муамара Кадафі і франка-лібанскага бізнэсоўца Зіяда Такіедзіна, які распавёў як вазіў гатоўку з Трыпалі ў Парыж валізкамі на кампанію Сарказі. Іх Сарказі назваў «мафіёзнай бандай».

«Мяне абвінавачваюць набліжаныя дыктатара», «чый рэжым тэрору мы знішчылі» ў 2011 годзе, - заявіў Сарказі. «Я з трыумфам аднаўлю свой гонар», - закончыў экс-прэзідэнт.

Следчыя падазраюць, што Нікаля Сарказі атрымаў грошы ад рэжыму Муамара Кадафі на фінансаванне сваёй выбарчай кампаніі 2007 года. Былога прэзідэнта Францыі затрымалі для допыту раніцай у аўторак. У сераду ўвечары, пасля 26 допыту, яму выставілі абвінавачванні ў карупцыі, у незаконным фінансаванні выбарчай кампаніі і ва ўтойванні марнатраўства сродкаў лібійскага дзяржавы.

У траўні 2012 года на сайце Mediapart быў апублікаваў дакумент за подпісам былога кіраўніка лібійскай выведкі. Згодна з гэтым дакументам, лібійскі рэжым выдаў 50 мільёнаў еўраў на фінансаванне кампаніі Сарказі з тым, каб ён дапамог Лібіі выйсці з дыпламатычнай ізаляцыі. Экс-прэзідэнт назваў дакумент фальшывым. Расследаванне гэтай справы пачалося яшчэ ў 2013 годзе.