У Францыі затрымалі экс-прэзідэнта Нікаля Сарказі

• 20.03.2018, 10:55

Затрыманне звязанае са справай аб фінансаванні ягонай выбарчай кампаніі 2007 года.

Супрацоўнікі праваахоўных органаў Францыі затрымалі былога прэзідэнта краіны Нікаля Сарказі. Затрыманне звязана са справай аб фінансаванні ягонай выбарчай кампаніі 2007 года, піша «Reuters» са спасылкай на судовыя крыніцы.

Неўзабаве Сарказі будзе дапытаны. Крымінальная справа з'явілася ў 2012 годзе, пазней расследаванне прыпынілі, да яго вярнуліся толькі ў 2017 годзе. У пачатку студзеня ў рамках гэтай справы арыштавалі прадпрымальніка Аляксандра Джухры.