Адэля Вольская выканае хіты бацькі на Дні Волі ў Менску

• 19.03.2018, 19:34

Сам Лявон Вольскі выступіць праз тэлемост.

У дачкі Лявона Вольскага Адэлі ёсць альбом уласных песень, але на менскім канцэрце #БНР100 выканае хіты бацькі, які ў той жа дзень выступіць у Беластоку, паведамляе «Радыё Свабода».

На менскім Дні Волі 25 сакавіка - мітынгу-канцэрце ў гонар 100-й гадавіны абвяшчэння незалежнасці Беларускай Народнай Рэспублікі - выступіць Адэля Вольская, дачка спевака Лявона Вольскага.

Адэля Вольская выканае песні бацькі, хоць у яе ёсць ужо дзевяць запісаных уласных песень у альбоме «Усё атрымаецца». Сам бацька выступіць праз тэлемост. Ён дыстанцыйна прэзентуе новую песню.