Макарэвіч параўнаў якасці расейцаў і амерыканцаў

• 19.03.2018, 19:12

Лідар гурту «Машина времени» паводле вынікаў паездкі ў ЗША параўнаў жыхароў РФ і ЗША.

Музыка Андрэй Макарэвіч паводле вынікаў паездкі ў ЗША напісаў запіс у Facebook, дзе параўнаў жыхароў Расеі і Злучаных Штатаў, паведамляе РБК.

«Нейкіх тры гады не быў у Амерыцы. І ўпершыню ўразіла - наколькі яны спакайнейшыя, весялейшыя і дабрэйшыя за нас», - напісаў музыка. «Гэта не яны сталі лепшымі - яны не сталі лепшымі. Гэта з намі адбываецца нешта жудаснае», - мяркуе Макарэвіч.

У адказ на адзін з каментароў падпісчыка, у якім гаварылася, што на жыхароў краіны так паўплывала «дзяржаўная прапаганда», музыка патлумачыў сваю пазіцыю, напісаўшы: «Далібог, мне здаецца яны адкрылі нейкі дваццаць пяты кадр, які рэальна ператварае людзей у зласлівых дэбілаў». Для барацьбы з гэтым ён прапанаваў «спілаваць Астанкінскую вежу».

У верасні 2017 года Макарэвіч раскрытыкаваў помнік збройніку Міхаілу Калашнікаву, усталяваны ў Маскве. Спявак назваў яго «бяздарнай, выродлівай скульптурай».