МЗС Украіны: Галасаванне ў Крыме ставіць пад пытанне легітымнасць выбараў у РФ
- 18.03.2018, 16:47
«Выбары» ў Крыме не будуць прызнаныя міжнароднай супольнасцю.
Незаконнае галасаванне ў акупаваным Расеяй Крыме сказіць вынікі выбараў прэзідэнта РФ у цэлым, напісала ў Twitter 18 сакавіка спікерка Міністэрства замежных справаў Украіны Мар'яна Беца, паведамляе "Гордон".
"Незаконнае галасаванне ў акупаваным Крыме сказіць вынікі выбараў у Расеі ў цэлым і ставіць пад сур'ёзны сумнеў іх легітымнасць", – заявіла Беца.
Яна таксама паведаміла, што вынікі галасавання ў акупаваным Крыме з'яўляюцца юрыдычна нікчэмнымі, і не будуць прызнаныя ні Украінай, ні міжнароднай супольнасцю.