Літоўскія мытнікі знайшлі ў шынах беларуса 359 пачкаў цыгарэт

• 13.03.2018, 17:59

Цыгарэты знаходзіліся ў кожнай з шын Ford Mondeo.

Праз адзін з літоўскіх пунктаў пропуску беларус спрабаваў правезці 359 пачкаў цыгарэт, схаваўшы іх у шыны.

Кіроўца Ford Mondeo заявіў, што не перавозіць ніякія незаконныя грузы. Аднак мытнікі з дапамогай прыбораў выявілі, што ў шынах аўтамабіля нешта ёсць. Адно з колаў знялі і адправілі на рэнтген. Там стала зразумела, што ў ім знаходзіцца арганічнае рэчыва, піша autogrodno.by.

Мытнікі распілавалі і іншыя шыны. У кожнай знайшлі пачкі з цыгарэтамі, выкладзеныя ў больш шчыльныя пакаванні і прылепленыя да шыны з дапамогай ліпкай стужкі. Такая канструкцыя дазваляла ехаць з больш высокай хуткасцю і не пашкодзіць тавар.

Усяго ў шынах Ford Mondeo было выяўлена 359 пачкаў кантрабандных цыгарэт.