У Пружанскім раёне працоўнага зацягнула ў прывад станка
- 13.03.2018, 17:06
Працоўны загінуў.
Інфармацыю пра гэта падалі ва УСК Берасцейскай вобласці. Інцыдэнт адбыўся ў пятніцу, 9 сакавіка, блізу першай гадзіны ночы, паведамляе БелТА.
Паведамляецца, што 35-гадовы мясцовы жыхар, які працаваў аператарам абсталявання, здрабняў сыравіну. У нейкі момант ягоную правую руку зацягнула ў прывад станка. У момант здарэння ў цэху знаходзіўся яшчэ адзін рабочы, які пачуў крыкі калегі і выклікаў хуткую дапамогу. Прыбылыя на месца здарэння медыкі канстатавалі смерць мужчыны.