Дырэктарам ЦРУ ўпершыню стала жанчына

• 13.03.2018, 16:49

Дональд Трамп прызначыў новым дырэктарам ЦРУ Джыну Хэспел.

Пра гэта ён паведаміў у сваім Twitter.

Джынa Хэспел стала першай жанчынай у гісторыі ЗША, якая ўзначаліла ўстанову. Да гэтага яна займала пасаду намесніцы дырэктара ЦРУ Майка Пампеа.

Раней паведамлялася, што Трамп наважыўся змяніць дзяржсакратара ЗША, прызначыўшы дырэктара ЦРУ Майка Пампеа замест Рэкса Тылерсана.