Трамп звольніў Тылерсана
- 13.03.2018, 15:55
На ягонае месца прызначаны кіраўнік ЦРУ Майк Пампеа.
Прэзідэнт ЗША Дональд Трамп звольніў Рэкса Тылерсана з пасады кіраўніка Дзярждэпартамента ЗША.
Пра гэта паведамляе газета The Washington Post.
На ягонае месца прызначаны кіраўнік ЦРУ Майк Пампеа.
Прэзідэнт ЗША пацвердзіў звальненне Тылерсана ў сваім Twitter. «Майк Пампеа, дырэктар ЦРУ, стане нашым новым дзяржсакратаром. Чакаем ад яго фантастычнай работы! Джына Хаспел стане новай дырэктаркай ЦРУ і першай жанчынай на гэтай пасадзе. Мае віншаванні!» - напісаў Трамп.
«Я хачу падзякаваць Рэксу Тылерсану за службу. Шмат дасягненняў было цягам гэтых 14 месяцаў, і я зычу ўсяго найлепшага яму і ягонай сям'і», - сказаў прэзідэнт ЗША.
Пампеа заявіў, што вельмі ўдзячны Трампу за давер. І заявіў, што «пры ягоным (Трампа) лідарстве Амерыка стала больш бяспечнай».
Раней The Washington Post паведаміла, што 9 сакавіка Трамп папрасіў Тылерсана сысці з пасады кіраўніка Дзярждэпартамента, і таму давялося датэрмінова скончыць паездку ў Афрыку і вярнуцца ў Вашынгтон.