Заўтра ў Беларусі чакаецца да +1
- 8.02.2018, 18:55
На большай частцы тэрыторыі краіны пройдзе снег.
Воблачнае надвор'е чакаецца ў Беларусі 9 лютага.
Пра гэта агенцтву БелТА паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
На большай частцы тэрыторыі краіны пройдзе снег, удзень на паўднёвым усходзе краіны - мокры снег, месцамі чакаецца яго наліпанне.
У асобных раёнах Беларусі прагназуецца слабы галалёд, на дарогах галалёдзіца. Вецер будзе паўночна-заходні, 4-9 метраў на секунду.
Уночы тэмпература паветра чакаецца ад 1 да 7 градусаў ніжэй за нуль. Удзень сіноптыкі прагназуюць ад 4 градусаў марозу да 1 градуса цяпла.