Ці засыпле Менск снегам?

• 5.02.2018, 14:19

Белгідрамет на панядзелак абвясціў аранжавы ўзровень небяспекі.

Снегапад у Маскве, які прайшоў 4 лютага, стаў самым моцным за ўсю гісторыю назіранняў, піша tut.by.

Ранейшы максімум фіксавалі ў 1957 годзе. Такога ж моцнага снегападу найбліжэйшымі днямі ў Менску не будзе. Цыклон ішоў на Маскву праз поўнач Украіны, закрануўшы паўднёва-ўсходнюю тэрыторыю Беларусі. Цяпер ён рухаецца ў бок Яраслаўскай вобласці Расеі.

- У нас гэты цыклон ужо прайшоў, - распавядаюць у Белгідрамеце. - Ён ішоў на Маскву праз поўнач Украіны, закрануўшы ў ноч на 4 лютага паўднёвы ўсход Беларусі: у Гомельскай і Магілёўскай абласцях адзначаліся моцныя снегапады.

Такім чынам, сёння раніцай у Мазыры Гомельскай вобласці снежнае покрыва дасягнула 16 см, а ў Мсціславе Магілёўскай вобласці - 29 см.

Цяпер цыклон рухаецца ў бок Яраслаўскай вобласці Расеі.

Аднак Белгідрамет на панядзелак абвясціў аранжавы ўзровень небяспекі. Паведамлялася, што ўначы 5 лютага ва ўсходняй палове краіны, а таксама ў Менску захаваецца моцны вецер парывамі да 15-20 м/с.

Таксама чакаецца, што на гэтым тыдні ў Беларусі перыядычна будзе ісці снег, але ён не будзе такім моцным, як 4 лютага ў Маскве, хоць снежнае покрыва павялічыцца.