Прыпыненая крымінальная справа супраць патрыёта Міраслава Лазоўскага

• 3.02.2018, 15:49

СК спыніў справу аб «незаконным захоўванні зброі» ў дачыненні патрыёта.

Міраслаў Лазоўскі быў адным з затрыманых паводле справы патрыётаў. На наступны дзень пасля затрымання, якое адбылося 21 сакавіка 2017 года, праваахоўнікі правялі ператрус у аўтамабілі Лазоўскага і нібыта знайшлі там аўтамат з баявымі патронамі. Гэты «арсенал зброі» паказалі на дзяржаўных тэлеканалах, нагадвае «Радыё Свабода».

27 лістапада 2017 года быў спынены крымінальны пераслед усіх удзельнікаў справы патрыётаў. Але што тычыцца абвінавачванняў у незаконным захаванні зброі, тады справу не закрылі.

Міраслаў Лазоўскі павінен азнаёміцца з дакументамі і высветліць, адкуль узяўся гэты аўтамат.