Дынара Алімбекава: Ёсць пачуццё, што зрабілі з дзяўчатамі нешта грандыёзнае
- 27.02.2018, 17:09
Беларуская біятланістка падзялілася ўражаннямі ад АГ 2018.
Алімпійская чэмпіёнка Пхенчхана Дынара Алімбекава, прыляцеўшы ў Менск, распавяла аб сваіх пачуццях, піша «Прессбол».
Вядома, ёсць пачуццё, што зрабілі з дзяўчатамі нешта грандыёзнае, нават вялікае. Вельмі шчаслівая - і дагэтуль не магу падабраць падыходныя словы. Вядома, я задаволеная, што менавіта мне даверылі трэці этап эстафеты. Адразу прааналізавала той няўдалы этап, які бегла ў Нямеччыне і зразумела, што ў мяне больш няма права на памылку. Сабралася з думкамі, успомніла - забылася: і пачала з чыстага ліста.
Прыняўшы эстафету ад Іры Крыўко, адразу ж дагнала дзяўчат наперадзе. Ведала, што пасля ўздыму будзе раўнінны адрэзак са складанымі варункамі надвор'я, таму мне трэба было трымацца ў агульнай групе. На другую частку дыстанцыі трошкі не выстарчыла, але агулам усё здолела.
Калі Даша бегла свой, заключны, этап, я пераапраналася, рабіла размінку і давала інтэрв'ю. Вярнулася ў гонку ўжо да астатняй стральбы.
Калі шчыра, пакуль ніякай асаблівай адказнасці я не адчуваю. Але, вядома, разумею, што цяпер на мяне будуць глядзець іншымі вачыма - і трэнеры, і заўзятары, і спартоўцы.