Грамадскі транспарт Брусэля стане бясплатным

• 27.02.2018, 16:29

Брусэльскія чыноўнікі чакаюць, што новы закон увойдзе ў дзеянне да пачатку лета.

У рамках барацьбы за экалогію ўлады Брусэля пайшлі на нечаканы крок, зрабіўшы гарадскі транспарт бясплатным у дні найбольшага забруджвання паветра, піша thepoint.rabota.ua.

Як піша The Guardian, адпаведна з новымі законамі аўтобусы, трамваі і метро будуць перавозіць пасажыраў бясплатна, калі цягам двух дзён аб'ём шкодных выхлапаў у атмасферу перавысіць дапушчальныя нормы, зафіксаваныя на ўзроўні 51-70 мікраграмаў на кубічны метр. У гэты перыяд бясплатнай будзе таксама муніцыпальная сетка арэнды ровараў.

Акрамя таго, улады бельгійскай сталіцы цалкам забароняць выкарыстанне дроў для печаў у межах горада, а ліміт хуткасці для аўтамабіляў будзе зніжаны прыкладна на траціну - да 30 км/г.

«Нам трэба стварыць якасную грамадскую прастору», - растлумачыў ініцыятыву чыноўнікаў міністр мабільнасці Брусэля Паскаль Смет. «Даследаванні паказваюць, што чым больш месца вы даяце аўтамабілям, тым больш аўтамабіляў вы прыцягваеце. Сапраўды, найбольш спрыяльныя для аўтамабіля гарады таксама з'яўляюцца самымі перагружаным. Пры наяўнасці прасторы для пешаходаў і раварыстаў гарады могуць ствараць месцы, дзе людзі сустракаюцца і аб'ядноўваюцца», - сказаў ён.