У Саудаўскай Арабіі жанчынам дазволілі служыць у войску
- 27.02.2018, 14:27
Для гэтага неабходна адпавядаць пэўным крытэрам.
Жанчынам у Саудаўскай Арабіі дазволілі служыць у войску, піша «Газета.ру» cа спасылкай на Khaleej Times.
Адзначаецца, што ў Эр-Рыядзе, Медыне, Мецы і Аль-Касіме жанчыны змогуць падаць заяву на вакантныя месцы і атрымаць працу, звязаную з гарантаваннем бяспекі ў ВС краіны.
Для гэтага неабходна адпавядаць пэўным крытэрам, у тым ліку мець пасведчанне аб заканчэнні школы. Падаваць заявы могуць толькі жанчыны ва ўзросце ад 25 да 35 гадоў. Акрамя таго, яны і іх папячыцелі-мужчыны павінны пражываць там, дзе хочуць працаваць.