Памятайце пра палітвязняў!

• 24.02.2018, 10:40

Самае малое, што можна зрабіць - гэта даслаць Змітру Паліенку паштоўку, каб выказаць з ім салідарнасць.

Пра гэта напісала ў «Фейсбуку» грамадская актывістка Марына Насенка:

- У нашай краіне вучаць, што добры грамадзянін «апалітычны», а жанчынам наогул «месца на кухні». Але давайце не будзем слухаць высокапастаўленую лухту і пільнавацца яе, а ўсё ж пачнем рабіць справядліва і сумленна.

У зняволенні ўсё яшчэ знаходзіцца сацыяльны актывіст Зміцер Паліенка. Падчас праезду за правы раварыстаў на дарозе «Крытычная маса» ён спыніў гвалт супрацоўніка міліцыі ў дачыненні да аднаго з удзельнікаў, за што апынуўся ў турме паводле арт.364 КК РБ (асуджаны на 2 гады пазбаўлення волі з адтэрміноўкай, але ў красавіку 2017 года адтэрміноўка была скасаваная).

Міжнародная арганізацыя Amnesty International прызнала Змітра Паліенку вязнем сумлення.

Самае малое, што ты можаш зрабіць - гэта даслаць Змітраку паштоўку, каб выказаць сваю салідарнасць з ім, а таксама націснуць на рэпрэсіўны апарат.

Паштоўку/кі можна атрымаць абсалютна задарма, проста напісаўшы мне ў асабістыя паведамленні. Выслаць магу ва ўсякую краіну.

*Пры магчымасці адпраўляй Змітру паштоўку зарэгістраваным лістом. Так, з большай доляй імавернасці ён атрымае яе проста ў рукі, а ты зможаш прасачыць шлях свайго ліста.

Калі хочаш атрымаць адказ ад Змітра, пакідай зваротны адрас, ён заўсёды рады падтрымцы і заўсёды адказвае. Пры ўзнікненні праблем (не дайшла паштоўка, не атрымалі адказ) можна таксама звяртацца ў асабістыя паведамленні.

Адрас:

Паліенка Дзмітрый Аляксандравіч

вул.Сікорскага 1, ПК-2, а.9

213800

Бабруйск

Магілёўская вобласць

Беларусь