Сіноптыкі паабяцалі беларусам маразы да 29 градусаў

• 23.02.2018, 21:45

Праз маразы ў Беларусі 24 лютага абвешчаны аранжавы ўзровень небяспекі.

У суботу будзе воблачна з праясненнямі, пераважна па паўднёвай частцы краіны пройдзе невялікі снег. На асобных участках дарог магчыма галалёдзіца, паведамляе БелТА.

Вецер прагназуецца ўначы няўстойлівы слабы, удзень паўночна-заходні 5-10 м/с.

Тэмпература паветра ўначы складзе 14-20 градусаў ніжэй за нуль, на поўначы - мінус 21-24, на значнай частцы Віцебскай і месцамі па поўначы Менскай абласцей - 25-29 градусаў марозу, па поўдні - мінус 9-13 градусаў. Удзень будзе 7-13 градусаў ніжэй за нуль.