23 лютага ў Беларусі чакаюцца маразы да -25°С
- 22.02.2018, 21:56
Паводле прагнозаў сіноптыкаў, моцныя маразы захаваюцца да канца месяца.
У наступныя дні чакаецца халоднае надвор'е - пераважна без ападкаў, але з невялікім снегам на паўднёвым усходзе краіны. Слупок тэрмометра апусціцца да адзнакі мінус 25 градусаў, прагназуе Pogoda.by.
Надвор'е будзе вызначаць вобласць падвышанага ціску, сфармаваная ў халоднай арктычнай масе. На паўднёвым усходзе будзе адчувацца ўплыў малаактыўны франтальнага падзелу.
Вецер паўночна-заходні слабы. Тэмпература паветра мінімальная ўночы пераважна -14... 20°С (пры прасвятленнях маразы ўзмоцняцца да -21... 25°С), на поўдні краіны маразы слабыя, -7... 13°С.
Максімальная тэмпература ўдзень будзе вагацца ад -3°С на поўдні да -12°С на поўначы краіны.
На асобных адцінках дарог магчыма галалёдзіца. Паводле прагнозаў, моцныя маразы захаваюцца да канца месяца.