«Кузня беларускага духу»: У Менску стартавалі экскурсіі да 100-годдзя БНР

• 22.02.2018, 12:50

Удзельнікі экскурсіі змогуць прайсціся адрасамі п'есы Янкі Купалы «Тутэйшыя».

У Менску, дзякуючы прыватным ініцыятывам, пачаўся шэраг экскурсій, прысвечаных 100-годдзю абвяшчэння Беларускай Народнай Рэспублікі.

Як распавёў «Радыё Рацыя» экскурсавод Павел Каралёў:

- Падрыхтаваў такую экскурсію па Менску, называецца «Кузня беларускага духу», каб паглядзець самыя важныя цэнтры, дзе была беларушчына, дзе яна згуртавалася. І, вядома, успомніць, што было ў Менску 100 гадоў таму, які гэта быў час.

Мы з удзельнікамі вандроўкі прайшліся адрасамі п'есы Янкі Купалы «Тутэйшыя», якая напісана пра гэты час і менавіта паказвае адрасы таго часу, што адбывалася на той ці іншай вуліцы.

Экскурсія тычылася не толькі палітычнага жыцця беларускай сталіцы 1918 году, але і былі агучаны падрабязнасці побыту жыхароў прыфрантавога горада.