Cацыёлагі распавялі, як выглядае сярэднестатыстычны беларус

• 21.02.2018, 12:45

Большасць беларускіх мужчын жыве ў гарадах, кожны пяты - у Менску.

Cацыёлагі апублікавалі звесткі пра беларускіх мужчын, якіх на пачатак года ў краіне налічвалася 4 422 000, ці 46,6% ад агульнай колькасці насельніцтва, піша БелТА.

Большасць іх жыве ў гарадах, кожны пяты - у Менску.

Ніводная са сфер дзейнасці не абыходзіцца без мужчынскага ўдзелу, застаецца высокім ўзровень занятасці мужчын у працаздольным узросце (80,4%). Сярэдні ўзрост работнікаў складае 40,2 года.

Пераважна «мужчынскімі» з'яўляюцца такія тыпы дзейнасці, як «будаўніцтва», «транспартная дзейнасць, складаванне, паштовая і кур'ерская дзейнасць», «сельская гаспадарка», «прамысловасць», «інфармацыя і сувязь».