Дзярждэп ЗША падтрымаў Украіну ў гадавіну Нябеснай сотні
- 20.02.2018, 12:10
Майдан стаў сімвалам імкнення Украіны далучыцца да Еўропы.
Злучаныя Штаты падтрымліваюць барацьбу ўкраінцаў супраць расейскай агрэсіі, заявіла афіцыйная прадстаўніца амерыканскага Дзярждэпартамента Хізэр Ноерт у сувязі з чацвёртай гадавінай падзей на Еўрамайдане ў Кіеве, паведамляе segodnya.ua.
"Злучаныя Штаты будуць працягваць стаяць на баку Украіны ва ўмовах, калі яна сутыкнулася з працяглай расейскай агрэсіяй", - гаворыцца ў заяве дыпламата.
У ім адзначаецца, што Майдан стаў сімвалам "імкнення насельніцтва Украіны да далучэння да Еўропы", і Нябесная сотня паклала свае жыцці на Майдане за мару пра лепшую Украіну".
У той жа час Дзярждэп заклікаў улады Украіны нарасціць намаганні для ажыццяўлення "глыбокіх, усебаковых надзённых рэформаў, неабходных для будаўніцтва стабільнай, дэмакратычнай, квітнеючай свабоднай краіны, якую ўкраінцы заслугоўваюць".
У заяве ўказваецца, што хоць за чатыры гады, якія прайшлі з часоў Майдана "былі зроблены важныя крокі", уладам краіны "каб выканаць дадзеныя на Майдане абяцанні і раскрыць патэнцыял Украіны, трэба правесці яшчэ вялікую працу".
Нагадаем, спаўняецца чатыры гады з дня расстрэлу людзей на Майдане падчас Рэвалюцыі годнасці.