Дзмітрый Дашчынскі: Усе трэнеры, якія цяпер працуюць у камандзе, фанаты сваёй справы

• 17.02.2018, 12:36

У чым феномен галоўнага трэнера каманды Беларусі ў фрыстайле?

Тытулаваны беларускі лыжны акрабат Дзмітрый Дашчынскі у гутарцы з карэспандэнтам Pressball.by паспрабаваў растлумачыць феномен галоўнага трэнера зборнай Мікалая Казекі.

- Справа зноў спорыцца ў Казекі. На ваш погляд, у чым феномен Мікалая Іванавіча?

Думаю, яму самому будзе складана пра гэта распавесці... Па-першае, ён здолеў сабраць добрую каманду энтузіястаў, калі фрыстайл толькі пачынаўся. Потым, калі пайшлі вынікі, з'явілася магчымасць пашырацца і ўзмацняцца, ён усё роўна не браў у штаб абы-каго, да ўсіх выстаўляў вельмі строгія патрабаванні. Усе трэнеры, якія цяпер працуюць у камандзе, фанаты сваёй справы.