Хіт інтэрнэту: Жыццярадасная бабуля займаецца фітнэсам
- 17.02.2018, 11:23
Разам з ёй проста немагчыма не ўсміхацца і не смяяцца.
У сетцы набірае папулярнасць відэа, на якім 93-гадовая бабулька займаецца фітнэсам. Яна паўтарае рухі трэнеркі, седзячы на крэсле, і весела рагоча.
Ролік апублікавала ў Twitter дачка трэнеркі @joana_zanin10.
«Мая мама трэніруе гэтую 93-гадовую бабулю, і гэта самае прыгожае, што можна сабе ўявіць. Усмешка і смех вяртаюць ёй маладосць», - напісала жанчына.
За два дні відэа паглядзелі больш за сем мільёнаў чалавек, а сам запіс набраў 384 тысячы ўпадабаек. У каментарах большасць карыстальнікаў выказваюць захапленне жыццярадаснай і спартыўнай бабулькай, а некаторыя прызнаюцца, што нават пажылая жанчына трэніруецца больш чым яны.
«Гэта самая крутая рэч у свеце. Я закаханы ў гэтую лэдзі», - напісаў Mr_Westmoore.
«Божа, як я гэтага не бачыла! Разам з ёй ну проста немагчыма не ўсміхацца і не смяяцца! Гэта лепшае, што здарылася са мной за дзень!», - напісала Mary_Gitts.