Фільм пра абаронцаў данецкага аэрапорта пабіў рэкорд ва ўкраінскім пракаце

• 14.02.2018, 18:02

Фільм «Кібаргі» паглядзела 310 тысяч гледачоў.

Фільм «Кібаргі» пра абаронцаў данецкага аэрапорта рэжысёра Ахтэма Сеітаблаева стаў абсалютным украінскім рэкардсмэнам у айчынным пракаце за ўвесь перыяд незалежнасці Украіны. Пра гэта паведаміў старшыня Дзяржаўнага агенцтва ў пытаннях кіно Філіп Ільенка на брыфінгу ва «Укринформе».

«Летась упершыню за гісторыю ўкраінскай незалежнасці была паўнавартасная прэм'ерная восень, паўнавартасны прэм'ерны сезон украінскага кіно ў пракаце. Некалькі разоў з'яўляліся лідары пракату. Першы рэкорд устанавіў фільм «DZIDZIO Кантрабас», які быў створаны без дзяржаўнай падтрымкі», - распавёў ён.

Са слоў Ільенкі, вельмі сур'ёзныя і паспяховыя вынікі паказалі фільмы «Сторожевая застава» и «Червоний».

«Абсалютным рэкардсмэнам - прычым не толькі ў гэтым сезоне, але і наогул усяго ўкраінскага кінапракату перыяду незалежнасці - стаў на ўласным кінарынку фільм «Кібаргі». На сёння яго ўбачылі 310 тысяч 569 гледачоў, і сума збораў складае 22 млн 685 тыс 322 грн», - адзначыў ён.

Ільенка падкрэсліў, што «Кібаргі» пабілі абсалютны рэкорд для ўкраінскага кіно ва ўкраінскім пракаце».