Арцём Чарняк: Дамагліся скасавання дэкрэта №3, даможамся і свабоды для «Хартыі»
- 1.02.2018, 10:33
Трэба падвоіць намаганні для барацьбы за свабоду слова ў Беларусі.
Пра гэта ў «Фэйсбуку» напісаў грамадскі актывіст Арцём Чарняк:
- «Хартыя-97» заўсёды пісала пра вулічныя акцыі, у тым ліку і пра дэманстрацыі і мітынгу, якія запланаваныя на 25 сакавіка.
Відавочна, што блакаванне сайта - спроба сарваць святкаванне стагоддзя БНР.
Таму цяпер усім, каму неабыякавая гэтая дата, варта падвоіць свае намаганні для распаўсюду інфармацыі пра акцыю і пра тое, як абысці блакаванне сайта.
Расказваем сябрам і знаёмым, пішам у сацсетках, раздрукоўваем і расклейваем ўлёткі, вучым родных і блізкіх карыстацца Операй і ананімайзерамі. Дамагліся скасавання дэкрэта №3, даможамся і скасавання пастановы аб блакаванні «Хартыі».
Свабоду #charter97!
Нагадаем, што 24 студзеня рэжым Лукашэнкі заблакаваў незалежны інфармацыйны рэсурс Charter97.org. Блакаванне пацвердзіў першы намеснік міністра інфармацыі Ігар Луцкі.
Абысці блакаванне можна і вось інструкцыі:
- Самы просты спосаб чытаць «Хартыю'97»
- Як абысці блакаванне сайта «Хартыя-97»
- Як абысці блакаванне сайта на Android і iOS