У Арменіі праходзяць парламенцкія выбары

• 9.12.2018, 17:15

Фаварыт - блок Пашынян.

У Арменіі ў нядзелю праходзяць датэрміновыя парламенцкія выбары.

Галасаванне праводзіцца на ініцыятыву выканаўцы абавязкаў прэм'ер-міністра Нікола Пашыняна, які прыйшоў да ўлады раней сёлета на хвалі масавых вулічных пратэстаў.

Як паведамляе Радио Азатутюн, у выбарах удзельнічаюць 11 палітычных сілаў: 9 партый і 2 блокі, у тым ліку былая кіруючая Рэспубліканская партыя Арменіі і блок Нікола Пашынян «Мой крок». Для таго каб прайсці ў парламент, партыям неабходна пераадолець 5-працэнтны, а блокам - 7-працэнтны бар'ер. За ходам галасавання сочаць блізу 250 міжнародных назіральнікаў.

Прыход выбарцаў да 11 гадзін мясцовага часу склаў блізу 8 працэнтаў. Нікол Пашынян заклікаў усіх ісці на ўчасткі, нягледзячы на дрэннае надвор'е - дождж і снегапад.

Паводле перадвыбарнага апытання, блок Пашынян з'яўляецца безумоўным фаварытам выбараў. На нядаўніх выбарах у муніцыпалітэт Ерэвана прыхільнікі прэм'ера атрымалі больш за 80 працэнтаў галасоў.