Пуцін слабейшы, чым хоча здавацца

• 7.12.2018, 12:25

Захад можа прымусіць яго слухацца.

Прэзідэнт Украіны Пятро Парашэнка заявіў, што нягледзячы на крамлёўскую прапаганду, прэзідэнт РФ Уладзімір Пуцін слабейшы, чым ён хоча здавацца Захаду.

У артыкуле для New York Times Парашэнка піша, што мэта Расеі відавочная: яна хоча вярнуцца да той эпохі, калі маёмасць і зямля канфіскоўваліся сілай (пераклад - nv.ua).

"Захад можа - за кошт павышэння цаны агрэсіі - прымусіць яго (Пуціна - рэд.) паслухацца. Колькі яшчэ трэба варожасці, каб Захад выкарыстаў цвёрдую валюту, якой гандлюе Крэмль - сілу? Расея выкарыстоўвала хімічную зброю ў Брытаніі; ладзіла кібератакі на Захадзе; абстрэльвала мірных жыхароў у Сірыі і развязала вайну ва ўсходняй Украіне. Ці яшчэ не час дзейнічаць? " - падкрэсліў украінскі прэзідэнт.

Ён нагадаў, што прэзідэнт ЗША Дональд Трамп "прадэманстраваў цяперашні лідарства, адмяніўшы сваю сустрэчу з Пуціным на Вялікай дваццатцы ў Аргентыне праз захоп Расеяй караблёў і маракоў".

"Мы атрымалі адчувальную падтрымку Белага дома і Кангрэса, уключаючы абарончае ўзбраенне, больш моцныя санкцыі і надзейныя амерыканскія пастаўкі энэргарэсурсаў. Разам партнёры па абодва бакі Атлантыкі могуць далей падвышаць плату для Расеі за пагрозы нашай калектыўнай бяспецы", - адзначыў Парашэнка.