Рахунак-2019: якія будуць новыя тарыфы
- 31.12.2018, 8:15
Ва ўсіх рэгіёнах і ў Менску ўстанавілі тарыфы на жыллёва-камунальныя паслугі на 2019 год.
Нагадаем, раней Лукашэнкам былі зацверджаны гранічна дапушчальныя тарыфы. Пасля гэтага аблвыканкамы і Менскі гарвыканкам зацвердзілі новыя тарыфы на ЖКП на наступны год. Але тарыфы не маюць быць вышэйшыя за гранічна дапушчальныя. Finance.tut.by паглядзеў, як беларусы будуць плаціць за ЖКП у 2019 годзе.
Тарыфы як на водазабеспячэнне ўстанавілі на ўзроўні гранічна дапушчальных - 0,8338 рубля за 1 кубамэтар, так і на тэхабслугоўванне жылога дома - 0,1187 рубля за 1 квадратны мэтар агульнай плошчы жылога памяшкання. Тарыф на водаадвядзенне (каналізацыю) таксама ўстанавілі паводле найвышэйшага ўзроўню - 0,6383 рубля за 1 кубамэтар (за выняткам Менска, дзе тарыф складае 0,5518 за 1 кубамэтар).
Ільгатаваны тарыф на капітальны рамонт жылога дома ва ўсёй краіне ўстанавілі на максімальным узроўні - 0,1001рубля за 1 квадратны мэтар.
| Минск | 0,1187 | 0,1001 | 0,8338 | 0,5518 | 1,4 |
| регионы | 0,1187 | 0,1001 | 0,8338 | 0,6383 | 1,4 |
Субсідаваны тарыф на тэхабслугоўванне ліфта устаноўлены на адным узроўні - 1,4 рубля на аднаго жыхара (на ўзроўні 2018 года). Пры гэтым поўны тарыф адрозніваецца ў Менску і рэгіёнах: у сталіцы ён складае 1,43 рубля на аднаго жыхара, у Менскай вобласці - 1,59 рубля, а ва ўсіх астатніх рэгіёнах - 1,5 рубля.
| Минск | 0,1216 | 1,43 | 0,8370 | 0,5518 |
| Витебская | 0,1274 | 1,5 | 0,9370 | 0,7268 |
| Могилевская | 0,1274 | 1,5 | 0,9154 | 0,7079 |
| Минская | 0,1274 | 1,59 | 0,9204 | 0,7449 |
| Гомельская | 0,1274 | 1,5 | 0,9367 | 0,8020 |
| Гродненская | 0,1274 | 1,5 | 0,9286 | 0,7476 |
| Брестская | 0,1274 | 1,5 | 0,8688 | 0,7440 |
Поўны тарыф на тэхабслугоўванне ў Менску ў 2019 годзе складзе 0,1216 рубля за квадратны мэтар, а ў рэгіёнах - 0,1274 рубля. Пры гэтым поўныя тарыфы за водазабеспячэнне і каналізацыю адрозніваюцца ва ўсіх рэгіёнах і Менску.
Зацверджаныя гранічныя ўзроўні тарыфаў на жыллёва-камунальныя паслугі для насельніцтва ў 2019 годзе дазволяць выйсці на ўзровень кампенсацыі ва ўсім комплексе паслуг больш чым у 80%, адзначалі раней у МАРГ.
Нагадаем, плануецца, што пад канец гэтага года тарыфы, паводле якіх насельніцтва аплачвае жыллёва-камунальныя паслугі, будуць кампенсаваць 76,3% іх кошту.