Колькі мандарынаў можна есці без шкоды для фігуры

• 29.12.2018, 14:10

Дыетолаг даў параду.

Частуючыся традыцыйнымі для Новага года мандарынамі, нельга перавышаць сутачную дозу. Яна складае 250 грамаў садавіны на аднаго чалавека.

Пра гэта ў эфіры ObozTV апавёў дыетолаг Аляксандр Кушч. Ён растлумачыў, што гэтая норма эквівалентная прыкладна 4-5 мандарынам, у залежнасці ад іх памеру і гатунку.

"Проста трэба разумець, што ўсе цытрусавыя – гэта досыць салодкія прадукты, у іх шмат фруктозы. А фруктоза – гэта вельмі падступны цукар, які павялічвае рызыку метабалічнага атлусцення паводле вісцэральнага тыпу", – нагадаў Кушч.