Якія прафесіі знікнуць праз робатаў: прагноз навукоўцаў

• 2.12.2018, 11:33

Рынак працы найбліжэйшыя гады можа прыкметна змяніцца.

Навукоўцы з цэнтра навукова-тэхналагічнага прагназавання пры НДУ ВШЭ назвалі прафесіі, якім пагражае знікненне праз рабатызацыю. Пра гэта гаворыцца ў дакладзе «Чалавек і інавацыі», піша segodnya.ua.

Адзначаецца, што з верагоднасцю 91-99% могуць знікнуць прафесіі разборшчыкаў мяса і рыбы і зборшчыкаў электрамеханічнага абсталявання.

Акрамя таго, пад пагрозай знікнення знаходзяцца сельскагаспадарчыя інспектары, тэхнічныя спецыялісты геалогіі, спецыялісты продажу ў рэтэйле, крэдытныя аналітыкі, а таксама рыэлтары, офісныя клеркі і тэхнічныя спецыялісты медкартаў і запісаў.

Адным з найбольш адчувальных сектараў, на які ўжо ціснуць новыя тэхналогіі, выступае аптовы і раздробны гандаль, а таксама прафесіі, звязаныя з рамонтам, заявіў дырэктар цэнтра навукова-тэхналагічнага прагназавання НДУ ВШЭ Аляксандр Чулок.

Паводле ацэнкі аналітыкаў, вельмі нізкая імавернасць знікнення (ад 0,14% да 0,44%) – гідролагаў, кіраўнікоў, настаўнікаў, следчых паліцыі і сацыяльных работнікаў.