У Польшчы выраслі сярэднія занятасць і заробак

• 18.12.2018, 17:40

Сярэднія занятасць і заробак у лістападзе ў Польшчы павялічыліся на 3 і 7,7% адпаведна.

Сярэдняя занятасць у лістападзе ў Польшчы павялічылася на 3% у параўнанні з аналагічным перыядам мінулага года. Пра гэта паведаміла Галоўная статыстычная ўправа, паведамляе «Польскае радыё».

Ва ўстанове таксама адзначылі, што сярэдні заробак без выліку падаткаў у мінулым месяцы павялічыўся на 7,7% у гадавым вылічэнні і склаў 4966 злотых (блізу 1182 еўраў).

Прадстаўленая інфармацыя тычыцца сектара прадпрыемстваў, то бок, кампаній, у якіх працуе больш за 9 чалавек.