Фотафакт: У Віцебску на будынку чырвона-зялёны сцяг ператвараецца ў бел-чырвона-белы

• 17.12.2018, 9:10

Новабудоўлю пафарбавалі ў стылі супрэматызму.

Дом №1а на вуліцы Медыцынскай ў Віцебску цалкам можа прэтэндаваць на самы незвычайны ў абласным цэнтры паводле яркасці сваёй афарбоўкі. Здымак новабудоўлі размясціў у фэйсбуку віцебскі журналіст Зміцер Казакевіч, паведамляе tut.by.

«Дэканструкцыя чырвона-зялёнага ў віцебскай новабудоўлі. Уся гісторыя беларускай дзяржаўнасці на адным тарцы. Малевіч сціпла курыць у кабіне экскаватара», - жартуе аўтар допісу.

«Галоўнае ў гэтым шэдэўры, што чырвона-зялёны паступова пераходзiць у бел-чырвона-белы», - заўважылі ў каментарах да допісу.