Саламэ Зурабішвілі заняла пасаду прэзідэнта Грузіі

• 16.12.2018, 15:38

У Грузіі прайшла цырымонія інаўгурацыі пятага прэзідэнта краіны Саламэ Зурабішвілі.

Пра гэта паведамляе «Рустави 2».

Абраны прэзідэнт Саламэ Зурабішвілі прамовіла клятву, пасля чаго прагучаў гімн Грузіі і было выраблена некалькі артылерыйскіх залпаў. Цырымонія прайшла ў горадзе Сухумі, у палацы грузінскага караля Іраклія II.

Зурабішвілі ў другім туры прэзідэнцкіх выбараў, які адбыўся 28 лістапада, падтрымалі 59,52% выбарцаў - 1,1 млн чалавек. У першым туры ніводны з кандыдатаў не змог набраць патрэбных 50% галасоў. Яе апанент Грыгол Вашадзэ, які атрымаў у другім туры 40,48% галасоў, заявіў, што не прызнае вынікі выбараў.

З сакавіка 2004 да кастрычніка 2005 года Зурабішвілі займала пасаду міністаркі замежных спраў Грузіі.