У ЗША інкасатары, рассыпаўшы грошы, справакавалі ДТЗ
- 15.12.2018, 11:38
Кіроўцы спынялі свае аўтамабілі і кідаліся збіраць грошы.
У амерыканскім штаце Нью-Джэрсі з аўтамабіля інкасатараў праз няспраўнасць дзвярэй на шашу высыпаліся грашовыя купюры, што прывяло да шматлікіх аварый. Пра гэта паведамляе ВВС.
Агенцтва адзначае, што кіроўцы спынялі свае аўтамабілі і кідаліся збіраць грошы.
Паліцыя Нью-Джэрсі заявіла, што людзі павінны вярнуць іх. Праваахоўнікі расследуюць некалькі дарожна-транспартных здарэнняў, звязаных з інцыдэнтам.