У Паўла Севярынца канфіскавалі тэлефон

• 14.12.2018, 11:51

У Бараўлянскім аддзеле міліцыі мабільны тэлефон вызначылі пакінуць у «заклад».

Як напісаў сустаршыня Беларускай хрысціянскай дэмакратыі Павел Севярынец у «Фэйсбуку»:

- Канфіскавалі тэлефон! За 25 гадоў - першы раз такі фокус, спадары.

На выхадзе з ІЧУ мне далі распісацца, што мой тэлефон і гадзіннік, канфіскаваныя ўчора падчас затрымання, будуць знаходзіцца ў Бараўлянскім аддзеле міліцыі. Маўляў, потым прыедзеце, забераце.

Глупства нейкае, думаю, але што рабіць, распісваюся.

Выяўляецца, тэлефон «Нокіа 73» і гадзіннік «Луч» застануцца ў іх у закладзе маёмасці (!) да выплаты штрафу!

У судзе абвясцілі, што пастанова будзе выдадзеная мне на рукі толькі праз 10 дзён (каб не паспеў абскардзіць) - а значыць, мой мабільны тэлефон мінімум пару тыдняў будзе ляжаць у бараўлянскай міліцыі.

Цяпер будзем раіцца з праваабаронцамі. Пакуль я без сувязі. Калі хто-небудзь хоча звязацца, сябры, калі ласка, пішыце ў прыват ці тэлефануйце жонцы.