Болтан: Сустрэча Трампа і Пуціна адбудзецца толькі пасля вяртання Украіне маракоў і караблёў

• 13.12.2018, 20:35

Дарадца прэзідэнта ЗША заявіў, што не бачыць «у агляднай будучыні перадумоў да такой сустрэчы».

Дарадца прэзідэнта ЗША Джон Болтан заявіў, што сустрэча Дональда Трампа і Уладзіміра Пуціна стане магчымай толькі пасля вяртання Украіне маракоў і караблёў, захопленых у Керчанскім праліве.

«Я не бачу ў агляднай будучыні перадумоў да такой сустрэчы, яна немагчымая датуль, пакуль (украінскія - Рэд.) караблі і экіпажы не будуць вызваленыя», - цытуе Болтана Reuters.

Раней прэзідэнт Трамп скасаваў сустрэчу з Пуціным праз захоп расейцамі ўкраінскіх караблёў у Керчанскай пратоцы.