«Не разумею, што гэта за жудасці»: крык душы інжынера на размеркаванні

• 13.12.2018, 9:42

Малады інжынер падзяліўся адкрытым аповедам аб працы ў вёсцы.

Руслану Гаўрыловічу 23 гады, але ён не красуецца на Зыбіцкай па пятніцах і рэдка сустракаецца з сябрамі. Сёлета хлопец скончыў БАТУ і цяпер працуе інжынерам-энэргетыкам у вёсцы Кастрычнік пад Салігорскам.

Кожную раніцу да 7:30 ён спяшаецца на планёрку, а потым адразу на ферму - калі лямпачку ўкруціць, а калі паправіць рухавік помпы. Жыве Руслан у вясковым інтэрнаце з не самымі прыемнымі суседзямі.

Малады інжынер распавёў tut.by, колькі атрымоўваецца зарабіць, дзе даводзіцца мыцца (спойлер: не дома) і як можна павесяліцца ў вёсцы.