Заўтра ў Беларусі чакаецца мокры снег і слабая мяцеліца
- 12.12.2018, 20:46
Тэмпература паветра будзе вагацца ад 4 градусаў марозу да 1 цяпла.
13 снежня ў Беларусі чакаецца воблачнае надвор'е, інфармуе Белгідрамет.
Пераважна на паўднёва-ўсходняй палове краіны прагназуецца снег, мокры снег, слабая мяцеліца.
Па Гомельшчыне месцамі ўначы і раніцай чакаецца моцны мокры снег, наліпанне мокрага снегу.
У асобных раёнах - слабы туман і галалёд, на дарогах галалёдзіца. Вецер будзе паўночна-заходні, слабы да парывістага.
Тэмпература паветра на працягу дня будзе вагацца ад 4 градусаў марозу да 1 цяпла.