Дадон: Я паслаў Лукашэнку кукурузу і віно

• 12.12.2018, 20:28

Адхілены ад пасады прэзідэнт Малдовы распавёў пра свае падарункі беларускаму дыктатару.

Адхілены ад пасады прэзідэнт Малдовы Ігар Дадон правёў прамую лінію ў сацыяльнай сетцы «Аднакласнікі». Падчас яе Дадон распавёў пра стасункі з кіраўнікамі іншых краін, паведамляе euroradio.fm.

Між іншым, ён паведаміў, што атрымаў ад Аляксандра Лукашэнкі запрашэнне наведаць Менск. Таксама кіраўнік Малдовы распавёў, што адправіў беларускаму дыктатару пасылку - кукурузу і малдаўскае віно.

«Не ведаю, ці ёсць у яго кухары, якія ўмеюць гатаваць мамалыгу. Ён сказаў, што малдаване ёсць», - дадаў прэзідэнт Малдовы.

Мамалыга - каша з кукурузнай мукі. Гэта традыцыйная страва Малдовы, Румыніі, Заходняй Украіны.