«Прыемна, што стэнд «Дынама-Брэст» прыцягнуў больш увагі, чым «Рэала»

• 12.12.2018, 17:13

Як беларускі клуб здзіўляў на міжнароднай выставе ў Кітаі.

Берасцейскае «Дынама» было прадстаўленае на міжнароднай футбольнай выставе, якая нядаўна скончылася ў Кітаі. Дырэктар у развіцці берасцейцаў Віктар Радзькоў падрабязней распавёў пра мерапрыемства, піша «Прессбол».

«Цікавы досвед удзелу ў такога кшталту выставе. Прадстаўленыя не толькі клубы кітайскай суперлігі, але і такія вялікія брэнды, як мадрыдскі «Рэал», «Барусія» з Дортмунда. Прыемна, што мы не згубіліся сярод такіх вялікіх імёнаў. І асабліва прыемна, што наш стэнд прыцягнуў больш увагі, чым стэнд клуба «Рэал Мадрыд».

Дасягнутыя папярэднія дамоўленасці аб супрацоўніцтве. У першую чаргу, вядома ж, усіх цікавіць развіццё дзіцячага футбола. І тут мы не губляемся сярод спісу іншых прадстаўленых акадэмій. Асаблівы інтарэс прыцягнула наша распрацоўка: сенсар футбольнай аналітыкі. Некалькі кітайскіх акадэмій звярнуліся да нас з просьбай прадэманстраваць ім пробныя датчыкі. У выпадку ўдалага збегу абставінаў, думаю, найбліжэйшым часам падпішам шмат буйных кантрактаў», - сказаў Віктар Радзькоў у эфіры FCDB TV.