Як змагары з заводам пад Берасцем масава ў Мінпрыроды хадзілі

• 10.12.2018, 17:15

Ініцыятыўная група ў барацьбе з будаўніцтвам завода АКБ пад Берасцем пакінула калектыўны зварот у Мінпрыроды.

Ініцыятыўная група ў барацьбе з будаўніцтвам пад Берасцем акумулятарнага завода пакінула 1-га снежня калектыўную скаргу ў кнізе заўваг і прапаноў Міністэрства прыроды і аховы навакольнага асяроддзя, піша «Брестская газета».

Падставай для гэтага стала чарговая адмова з боку чыноўнікаў у выдачы аўдыёзапісу сустрэчы ў міністэрстве, якая прайшла 5 снежня.

На гэты раз у міністэрстве адмовіліся прадставіць запіс у сувязі з адсутнасцю міністра Андрэя Худыка - са слоў супрацоўніка, міністр знаходзіцца ў замежнай камандзіроўцы.

Нагадаем, 5 снежня перад сустрэчай грамадскіх актывістаў Дзям'яна Лепясевіча, Дзмітрыя Бекалюка, Сяргея Геліса і Аляксандра Кабанава з прадстаўнікамі дзяржаўных структур, якія курыруюць будаўніцтва пад Берасцем акумулятарнага завода, берасцейцаў папрасілі здаць тэлефоны і дыктафоны. Але пры гэтым, з іх слоў, міністр Андрэй Худык паабяцаў, што прадставіць ім аўдыёзапіс. Аднак адразу ж пасля сустрэчы атрымаць яго актывісты не здолелі. Супрацоўнікі міністэрства сказалі, што файл пашкоджаны, але яны паспрабуюць яго выправіць, пасля чаго звяжуцца з берасцейцамі. Аднак дагэтуль запіс не аддалі.