Леанід Злотнікаў: Без расейскіх субсідый Лукашэнка – банкрут!

• 1.12.2018, 15:30

Пра перспектывы эканомікі ў варунках падатковага манеўру РФ.

Ужо ў наступным годзе беларускі бюджэт можа страціць 8 млрд даляраў праз нафтавы манеўр у Расеі. Сяброўства не вельмі атрымліваецца. Што з гэтага вынікае для беларускай улады, «Белсату» апавёў эканаміст Леанід Злотнікаў:

– Цяпер мы бярэм у Расеі нафту паводле коштаў без экспартных мытаў, прыкладна на 100–110 даляраў танней, чым бяруць палякі ці немцы. Перапрацавалі яе і распрадалі, а мыты пакідаем сабе. І на гэтым зараблялі нямала, прыкладна 3,6 мільярдаў даляраў сёлета. А цяпер Расея экспартную мыту будзе замяняць на падатак. [...] І ён будзе заставацца ў расейскім бюджэце. [...] Без расейскіх субсідый наша ўлада банкрут! Калі крэдыты не дадуць, то будзе горш, чым сёння. Хоць і сёння ў многіх людзей жыццё не салодкае.