У Гомелі сабака пароды баксёр напаў на дзяцей

• 6.11.2018, 16:03

П'яны гаспадар быў побач.

У цэнтры Гомеля сабака пароды баксёр напаў на 8-гадовых хлопчыкаў. Сабака быў з гаспадаром, без ланцужка і намордніка. Падрабязнасці паведамілі tut.by ва УУС.

Інцыдэнт адбыўся ўдзень 3 лістапада на вуліцы Савецкай. Баксёр укусіў 8-гадовага хлопчыка за твар і правую руку. Другому хлопчыку пашанцавала больш - сабака толькі парваў яму куртку.

Супрацоўнікі міліцыі, якія прыбылі на месца, устанавілі, што сабака ў момант інцыдэнту быў без ланцужка і намордніка, 54-гадовы гаспадар сабакі быў побач і паводле вонкавых прыкмет быў п'яны.

Бацькі пацярпелых дзяцей ужо звярнуліся з заявамі ў міліцыю.