Аляксандр Глеб выкліканы ў нацыянальную каманду Беларусі ўпершыню за два гады

• 5.11.2018, 15:46

Апошні матч у складзе нацыянальнай каманды паўабаронца правёў у кастрычніку 2016 года.

Галоўны трэнер нацыянальнай каманды Беларусі Ігар Крывушэнка абвясціў склад на матчы Лігі Нацый супраць Сан-Марына і Люксембурга, піша «Трибуна».

У склад уключаны паўабаронца БАТЭ Аляксандр Глеб. Адзначым, што гэта першы выклік Глеба ў нацыянальную каманду за два гады.

Апошні матч у складзе нацыянальнай каманды паўабаронца правёў у кастрычніку 2016 года. Тады беларусы саступілі Балгарыі ў кваліфікацыі ЧС-2018 (0:1). Аляксандр Глеб быў выдалены ў канцы матчу.