За год заробкі жыхароў Літвы павялічыліся больш чым на 100 еўраў

• 22.11.2018, 17:58

Працоўныя даходы жыхароў Літвы за год павялічыліся на 14%.

Сярэднія месячныя даходы працоўнага насельніцтва ў Літве, з якіх плацілі падаткі на сацыяльнае страхаванне, у трэцім квартале гэтага года склалі 905 еўраў. Гэта на 111 еўраў, або на 14%, больш, чым у трэцім квартале год таму, піша delfi.lt.

"Даходы павялічыліся больш чым на 100 еўраў. Гэтым разам, як і ў мінулым годзе, рост быў абумоўлены павелічэннем даходаў людзей з самымі невялікімі заробкамі", - сказала дарадца кіраўніка "Содры" Юліта Варанаўскене.

У прэс-рэлізе "Содры" сказана, што на хуткі рост заробкаў падзейнічалі тыя ж чыннікі, што і ў мінулым годзе: агульны эканамічны рост, павялічаны са студзеня заробак, брак кваліфікаванай працоўнай сілы.

Са слоў Варанаўскене, адзначаецца, што людзі з заробкамі 600-800 еўраў "на паперы" з цяжкасцю трапляюць у катэгорыю людзей з высокімі даходамі. Паводле ейных слоў, колькасць такіх людзей нават скарацілася за кошт зніжэння іх даходаў.

"Нягледзячы на тое, што сярэдні заробак 900 еўраў, людзей, якія яго атрымліваюць - менш за палову. Чым большы даходы, тым меншая імавернасць, што яны павялічыліся на 10%. Магчыма, яны нават зменшыліся. Але калі ў канцы ўсё скласці, то магчымыя дзве адзнакi: 3 з 5 заробкаў павялічыліся, а 2 з 5 не", - сказала Варанаўскене.

З лютага колькасць людзей, якія атрымліваюць менш за мінімум, у Літве скарачалася, а з верасня яна зноў павялічылася і склала 9,8% (альбо 106 500 чалавек, у лютым іх было 14,4%, або 156 600).

"Колькасць такіх людзей павялічылася за кошт сезоннасці: у верасні 2017 года, у параўнанні са жніўнем колькасць такіх людзей таксама павялічылася. Часта гаворка ідзе пра студэнтаў або людзей перадпенсійнага ўзросту, а працуюць яны ў неспецыялізаваных крамах або рэстаранах", - сказала Варанаўскене.

Нягледзячы на тое, што ў часткі людзей даходы зменшыліся і былі ніжэйшыя за мінімум, за 27 000 з іх працадаўцы заплацілі дадатковыя падаткі, таму сацыяльныя гарантыі ў іх былі вышэйшыя. Са звестак "Содры" за верасень 2018 года, за год заробкі больш за ўсё выраслі ў работнікаў грамадскіх арганізацый, асацыяцый, партый і таварыстваў (20%), яны складаюць у сярэднім 550 еўраў.

Заробкі бюджэтнікаў саступаюць або сумай, або па тэмпамі росту: у год сярэднія заробкі ў гэтай сферы павялічыліся на 13% і складаюць 850 еўраў. Больш за ўсё заробкі выраслі ў кіраўнікоў кампаній, устаноў і арганізацый: у грамадскіх арганізацыях яны павялічыліся амаль на чвэрць (24%), г.зн. сярэдні заробак складаў 1200 еўраў, а ў замежных кампаніях знізіўся на траціну (32%) - і складае 3200. У грамадскіх арганізацыях заробкі кіраўнікоў у сярэднім павялічыліся на 10% - да 600 еўраў.