На дзіцячай «Еўравізіі» прадстаўнік Беларусі выступіць пад нумарам 8
- 19.11.2018, 19:59
Першай у конкурсе выступіць прадстаўніца Украіны, завяршаць выступы на конкурсе выпала Польшчы.
19 лістапада ў Менску адбылося ўрачыстае адкрыццё дзіцячага конкурсу песні «Еўравізіі». Падчас цырымоніі прайшло і лёсаванне ўдзельнікаў, паведамляюць «Минск-Новости».
Згодна з правіламі Еўрапейскага вяшчальнага звязу, перш за ўсё былі вызначаны краіны, якія выступаюць пад першым і апошнім нумарам. Таксама ў ліку першых быў вызначаны нумар, пад якім выступіць краіна - гаспадыня конкурсу.
Даніэль Ястрэмскі з песняй «Time», які выступае за Беларусь, выйдзе на сцэну пад восьмым нумарам. Першай у конкурсе выступіць прадстаўніца Украіны, завяршаць выступы на конкурсе выпала Польшчы.